|
ფინანსური აღრიცხვის საერთაშორისო სტანდარტები
ფინანსური აღრიცხვის საერთაშორისო სტანდარტები მცირე და საშუალო ბიზნესებისთვის (IFRS FOR SMEs) ქუთაისში მსოფლიო ბანკი, საქართველოს პროფესიონალ ბუღალტერთა და აუდიტორთა ფედერაციასთან თანამშრომლობით, გიწვევთ დარეგისტრირდეთ სატრენინგო კურსზე - ფინანსური აღრიცხვის საერთაშორისო სტანდარტები მცირე და საშუალო ბიზნესებისთვის (IFRS FOR SMEs), მსოფლიო ბანკისა და ევროკავშირის ერთობლივი პროექტის ფარგლებში ფინანსური ჩართულობისა და ანგარიშვალდებულების შესახებ. კურსის მიზანია, IFRS FOR SMEs სტანდარტებში გადაამზადოს ანგარიშგებაზე პასუხისმგებელი პირები მესამე კატეგორიის საწარმოებიდან. ბუღალტრული აღრიცხვის, ანგარიშგებისა და აუდიტის შესახებ ახალი კანონი მცირე და საშუალო ბიზნესებს საერთაშორისო სტანდარტების მიხედვით ფინანსური ანგარიშგების მომზადებასა და წარდგენას ავალდებულებს. მსოფლიო ბანკი ორ კვირიან ინტენსიურ კურსს სთავაზობს მესამე კატეგორიის საწარმოებს და საშუალებას აძლევს, სწორად გაიგონ ამ კანონის მიერ დაკისრებული ვალდებულებები და გაუმარტივდეთ საკანონმდებლო მოთხოვნის შესრულება. კურსი სრულად დაფინანსებულია მსოფლიო ბანკის და ევროკავშირის მიერ და მისი დასრულების შემდეგ ბიზნესები დამოუკიდებლად შეძლებენ სწორი სააღრიცხვო პოლიტიკის გაწერასა და საერთაშორისო სტანდარტებზე გადასვლას. კურსი ქართულენოვანია და საკმაოდ ინტენსიური; ასევე, მნიშვნელოვანია შეფასდეს მიღებული ცოდნა. ტესტირების გარდა, შეფასდება დასწრება და დავალებებიც. კურსის ბოლოს კი სერთიფიკატი გაიცემა იმ პირებზე, რომლებიც პროგრამას წარმატებით დაასრულებენ. ჯგუფი 20 მონაწილისგან იქნება დაკომპლექტებული. კურსს მსოფლიო ბანკის მიერ შერჩეული მაღალკვალიფიციური ტრენერი გაუძღვებიან, რომელსაც საკითხის თეორიული და პრაქტიკული ცოდნა აქვს. 36 საათიანი პროგრამა 12 მოდულს და ტესტებს აერთიანებს.
https://forms.gle/JNQLzKpGcfryS3bd8 კურსზე რეგისტრაციის შემდგომ ჯგუფის ცვლილება დაუშვებელია.
|
ბუღალტერთა და აუდიტორთა ფედერაცია
Georgian Federation of
Professional Accountants and Auditors
